- هامی میلت‌لر کیمی بیر میلت. هر کیم بو خلقین آرتیق طبیعتی‌نین دگیشدیگینه اینانارکن ایقتیصادی موشکول‌لر قاباقا گلنده بوتون آیری خلق‌لر کیمی عئینی جوابی وئرمه‌سی اونون نه قدر عادی بیر میلت اولدوقونو گؤرستدی. بوتون آیری اینسان‌لار کیمی بیر هدفی اولدوقونو گؤرستدی - یاشاماق.
- ظولم اۇتوزا بیلر. ظالیمین اوزون مودت قودرتده قالماسی اونون آرتیق اوتوزمایاجاقینا ایناندیرار اینسان‌لاری دا ظالیمی ده. اومودلار اوزولر و آزادلیق اوچون چکیله‌جک زحمت‌لر بیراخیلار. آما نه قدر اوزون اولسا دا بیر گون ظولمون ییخیلاجاقینی گؤرستدی بو سئچیم‌لر. دئموقراسی اوغروندا زحمت چکدیگین زامان اون ایلی، ییرمی ایلی، اوتوز ایلی، قیرخ ایلی حتتا أللی ایلی چوخ گؤرمه‌مک لازیم دیر چونکی بونلار بیر اینسانین عؤمرونه سیغیشاجاق زامان‌لار دیر. نهایتده دوزنی ایصلاح ائله‌یه‌جکدیر بوتون بو زحمت‌لر. بیر گون بئله ظولمون اوتوزماسینی گؤرمک بو قدر زحمته دگر. بو آرزی لا یاشارلار دئموقراسی اوچون چالیشان‌لار.
- باریش دیلی غلبه چالدی. بیر چوخ اینسان اینانماسایدی دا عقلین گؤرستدیگی یولا، یاخجی‌لیقین گؤرستدیگی یولا خلق جواب وئردی. بلکه بو یول قاباقجا دا تئست اولسایلدی بو خاراب‌لیق‌لار عمله گلمزدن اؤنجه ظالیم ییخیلمیش اولاردی.
- عدالت له لیاقت. بیر مملکتی یوخ ائله‌مک چوخ راحات دیر. عدالتی یوخ ائلسن گؤرر. قضائییه قووه‌نی عدالتی ایجرا ائله‌مک یئرینیه حاکیم‌لره تاپشیراراق لیقات سیستئمینی یوخ ائلرسن. قوهومبازلیقا عاقیللی‌لیق، اخلاقسیزلیقا زیرک‌لیک دئین بیر مملکتده هئچ کیم قالماز؛ کاسیبی دا پوللوسو دا. حتتا او قوهومبازلیق لا بیر یئرلره گلن اینسان‌لار بئله او مملکتی آتارلار.